BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
Астана:

БҚО-да прокуратураның араласуымен коммуналдық төлемдер арзандатылды

БҚО, BAQ.KZ. Батыс Қазақстан облысы прокуратурасының тексерісі нәтижесінде коммуналдық қызметтің, атап айтқанда электрқуаты мен жылумен қамтамасыз ету тарифі төмендетілді.

Мысалға, «Батыс Қазақстан электр тарату желісі компаниясы» АҚ-ның қызметінде өткен жылы 71,9 млн теңгеге тариф сметасының орындалмау фактілері анықталды.

Осылайша, осы соманы өтеу үшін, бұрын электрқуатының құны 5,47 теңге болса, 2018 жылдың 1 тамызымен 31 желтоқсаны аралығында 1 киловат үшін 5,37 теңгеге арзандады. Сонымен қатар, 2019 жылдың 1 қаңтарынан бастап бағаның 5,01 теңгеге арзандауы жоспарланды.

«Жайықжылу қуаты» АҚ-мен жүргізілетін жылумен қамтамасыз ету тарифі 78,28 теңгеге төмендеді.

Монополист міндетті төлемге жататын 49,2 млн. теңгені шығындамай, оны жылу қуатының бағасына қосқан.

Сондықтан тұтынушыларға аталған соманы қайтару мақсатында 1 Гкал үшін тариф 5289,77 теңгеден 5211,49 теңгеге төмендеп, ол 2019 жылғы 31 тамызға дейін болады.

Тексерістің нәтижелері «Ақсайжылуқуат» МКК-мен бекітілген Ақсай қаласының тұрғындары үшін жылу қуатын пайдалану құнын 5452,95 теңгеден 5335,97 теңгеге төмендетті.

Бұл жерде «Ақсайжылуқуат» кәсіпорны тарифке жеке ұйымның 11,3 млн. теңгеге есептегіш құрылғыларды қондыру қызметін қосқан. Алайда дәл осы жұмысты өздері жасай алады.

Артық сома 1 Гкал үшін тарифті 116,98 теңгеге төмендету арқылы тұрғындарға қайтарылатын болады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер