BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
Астана:

Атырауда терможаңғырту бағдарламасы аясында 40 үй жөнделеді

Астана, BAQ.KZ. 2011-2020 жылдарға арналған терможаңғырту бағдарламасы іске қосылғалы бері Атырау қаласында 110 көп қабатты тұрғын үй жөндеуден өтті. Бұл туралы Атырау қаласы әкімдігінің баспасөз қызметі хабарлайды.

Бұл туралы бүгін Атырау қаласының әкімі Алимұхаммед Құттұмұратұлының қатысуымен өткен аппарат жиналысы барысында белгілі болды.

«Тұрғын үйлерге коммуналдық қызмет көрсету» ЖШС директоры Зұлқағида Нәубековтің айтуынша, терможаңғырту мемлекеттік бағдарламасы бойынша қаладағы 8 үйге кұрделі жөндеу жүргізілген. Тұрғын үйлерді қалпына келтіруге керек қаражат жергілікті бюджеттен бөлінді.

«Қазір қайтарылған қаражат есебінен төрт үйге күрделі жөндеу жүруде, олар – СМП 136 -дағы № 1,2, 6 үйлер және Вокзал маңы 3а ықшам ауданындағы 19 а үй», - дейді Зұлқағида Нәубеков.

Сонымен қатар, қалалық мәслихаттың соңғы сессиясында қабылданған шешімге сәйкес жергілікті бюджеттен бөлінген қосымша қаражатқа тағы 3 үй жөнделеді: Ғұмаров көшесіндегі 88 үй, Авангард 3 ықшам ауданындағы №6 үй, Қожақаев көшесіндегі 29 үй.

«Келесі жылдың тізімі жасалды, оған 40 үй кірді. 20 үйді қайта жаңғыртуға ЖСҚ жасақталып, мемлекеттік сараптамадан өтуде. Оларды күрделі жөндеу

2020 жылы аяқталады деп жоспарланып отыр, тұрғын үйлерді терможаңғырту мемлекеттік бағдарламасының жүзеге асырылу уақыты да сол кезде бітеді»,- дейді Зұлқағида Нәубеков.

Қала әкімі Алимұхаммед Кұттұмұратұлы терможаңғырту бағдарламасы шеңберіндегі жұмыстарға жауапты органдарға жұмыстарды уақытында және сапалы орындауға тапсырма берді. 2011-2020 жылдарға арналған терможаңғырту мемлекеттік бағдарламасы аясында Атырауда 110 көп қабатты үй жөндеуден өтті.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер