BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
Астана:

Алматыда тағы бір автобус бағыты жаңарды

Алматы қаласында 86-шы бағытттағы ескі көліктерді кондиционерлері мен видеокамералары бар жаңа автобустар алмастырды, деп хабарлайды Baq.kz ақпарат агенттігі.

«Барлық автобустар төмен еденді, мүмкіндігі шектеулі жандарға арналған орындар да бар. Барлық жылжымалы состав «Евро 5» экологиялық сыныбына жатады. Биыл біз барлығы 388 автобус сатып алдық, олардың 100-і шағын сыйымдылықты және таулы жерлерге арналған, қалғандарының сыйымдылығы үлкен және орташа. Олар қалаға жетісімен бағыттар бойынша жүретін болады», - деп атап өтті «Алматыэлектротранс» ЖШС-нің директоры Ризван Цинаев.

Тасымалдаушылар № 86 бағытының қалада барынша танымал екенін, Орбита-1 ықшам ауданынан бастап азаматтық авиация Академиясына дейін баратынын, қаланың орталығын, Әл-Фараби даңғылын, Фурманов көшесін, Райымбек және Сүйінбай даңғылдары мен басқаларын қамтитынын айтты.

«Бұрын автобустардың жетіспеушілігінен көлік сирек жүретін, сөйтіп тұрғындардан жиі шағым түсетін. Бізге дейін бұл бағытқа жеке тасымалдаушы қызмет көрсеткен еді. Енді аталған бағыт толық жабдықталып, автобустар кесте бойынша жүретін болады», - деді Р.Цинаев.

Айта кетерлігі, «Алматы-2020» қалалық даму бағдарламасының басты қағидаларының бірі қоғамдық көлікті реформалау, соның барысында жылжымалы состав жаңаруда.

Еске сала кетсек, бұған дейін №65, 50, 103, 126, 112 бағыттары жаңарған еді. Сондай-ақ, №77 бағыт та өзінің жұмысын жаңғыртты. Жылжымалы составты жаңарту ісі басқа бағыттарда да жалғасатын болады.

Жыл аяғына дейін Алматы қаласының әкімдігі мегаполистің автобус паркінің 30%-ын жаңартуды жоспарлап отыр.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер