BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
Астана:

Өткен жылы қосарланған азаматтық үшін 600-ге жуық адам жазаланды

Фото: Хабар 24

2017 жылы 30 мыңнан астам адам біздің еліміздің азаматтығын жеңілдетілген тәртіппен алды. ҚР Парламент Мәжілісінің депутаты Нұрлан Әбдіров қосарланған азаматтық мәселесін көтерді, деп хабарлайды Baq.kz ақпарат агенттігі.

«Қосарланған азаматтық – маңызды проблемалардың бірі болып отыр. Конституцияда Қазақстан азаматтары өзге мемлекеттің азаматы болып мойындалмайтыны жазылған. Дегенмен, республика азаматтарының біздің еліміздің азаматтығынан шықпастан, шетел азаматтығын алу жағдайы жиі кездесіп жатады», - деді Нұрлан Әбдіров Мәжілістегі Үкімет сағатында.

Мәжіліс депутатының айтуынша, Ішкі істер министрлігінің мәліметінше, 2017 жылы қосарланған азаматтық үшін шамамен 600 адам жазаға тартылған.

«Біздің азаматтарымыздың өзге елдің азаматтығын алуы мәселесі бойынша шетелдік дипломатиялық өкілдерімен тұрақты байланыс орнату қажет», - деп атап өтті Н. Әбдіров.

Оның айтуынша, Қазақстан азаматтығына қабылдау, сонымен қатар жеңілдетілген тәртіппен оны алу барысында шетелдік азаматтықтан шыққандығын дәлелдейтін құжаттарды ұсыну талаптарын бекіту туралы мәселені қарастыру талап етіледі.

«Айта кетейін, 2017 жылы біздің еліміздің азаматтығын жеңілдетілген тәртіппен 30 мыңнан астам адам алды», - деді Мәжіліс депутаты.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер