Астаналық азамат боранда қалғандарды үйлеріне тегін жеткізген - Қоғам|12 Қаңтар 2018, 19:54
BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
Астана:

Астаналық азамат боранда қалғандарды үйлеріне тегін жеткізген

Фото: Sputnik Казахстан

Қазақстан халқы ассамблеясының мүшесі Рустам Абдусаламов Астанадағы боранда үйіне қайта алмай тұрған адамдарды көлігіне отырғызып, үйлеріне тегін жеткізген, деп хабарлайды Baq.kz тілшісі.

«Кеше кешкі сағат 5-6 шамасында жұмыстан қайтып бара жатып жолда тұрған адамдарды үйлеріне тегін жеткізіп тастадым. Күн суықта аялдамада мұздап тұр екен. Неге осы біз адамдарға жәй ғана көмек көрсете алмаймыз? Елбасының өзі әрдайым айналамыздағы адамдарға көмектесіп отыруға шақырады емес пе?! Автобус күтіп тұрған кей адамның таксимен қайтуға ақшасы болмауы мүмкін. Көлікте орын болса, оларды неге үйлеріне жеткізбеске? Осылайша оларды үйлеріне жеткізіп тастадым. Осындай кішігірім жақсылықтың өзі өзіңді бақытты сезінуге көмектеседі», - дейді Рустам Абдусаламов.

Видеода адамдар ауа райының қолайсыздығына байланысты такси тоқтамай жатқанын айтады. Рустамның ісін олар құптап, осындай мейірімді адамдар көп болсын дейді.

«Қазір барлығы апат пен түрлі проблема туралы айтады. Мұнымен қатар, мұндай жағымсыз жаңалықтарды интернеттен, барлық арнадан естіп жатамыз. Негатив үнемі трендте жүреді. Неге осы нәрсені позитивке айналдырмасқа?!» - дейді ол.

Видео соңында ол сағат түнгі екі екенін көрсетіп, автокөліктегі бензиннің таусылғанын, бірақ көңіл-күйінің керемет екенін жеткізді.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер