BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
Астана:

Астанада дабыл қағылады, ТЖД сабыр сақтауға шақырды

Астана, BAQ.KZ. Елорданың ТЖД осы аптада қала тұрғындарын үрейленбеуге шақырды.

"Қымбатты қала тұрғындары мен қонақтары, ағымдағы жылдың 8 қарашасында 09 сағат 55 минутта Астана қаласы Төтенше жағдайлар департаменті теле-радио арналарды ұстап қалумен, электродабылдарын қосу арқылы Астана қаласының құлақтандыру жүйелерін тексеруін жүргізеді. Аталмыш тексеру жоспар бойынша жүргізіледі", - делінген ТЖД таратқан хабарламада.

Департамент тұрғындарды сабыр сақтап, үрейленбеуге шақырды.

Еске саламыз, төтенше жағдай орын алған кезде немесе төтенше жағдайдың орын алуына қауіп төнген кезде электродабылдар немесе басқа да дабыл құралдары қосылады, ол «Баршаңыздың назарына!» біріңғай құлақтандыру дабылын білдіреді. Бұл дабылды естіген кезде тұрғындар міндетті түрде қолайлы ақпарат қабылдау құралдарын (теледидарлар, радиолар және т.б.) іс-әрекеттер туралы нұсқаулар мен ақпарат алу үшін қосулары керек. Қымбатты қала тұрғындары мен қонақтары, Астана қаласы ТЖ департаменті қала тұрғындарын сабырлық сақтауға, үрейленбеуге шақырады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер