USD 334.89 EUR 361.61 RUB 5.28
Астана:

Аэроғарыш комитетінің төрағасы тағайындалды

Еркін Шаймағамбетов Қазақстан Республикасы Қорғаныс және аэроғарыш өнеркәсібі министрлігі Аэроғарыш комитетінің төрағасы болып тағайындалды, деп хабарлайды Baq.kz.

Еркін Мұстафаұлы Шаймағамбетов 1974 жылы 7 маусымда Қазақ КСР Қызылорда облысы Сырдария ауданының Тастүбек поселкесінде дүниеге келген.

1998 жылы «Ғарыштық ұшу аппараттары және екпіндеткіш блок» мамандығы бойынша Мәскеу мемлекеттік авиациялық институтын бітірді.

Еңбек жолын 1998 жылдың наурызынан Ғылым министрлігі – Қазақстан Республикасының Ғылым академиясы Ұлттық аэроғарыш агенттігінің «Байқоңыр» ғарыш айлағы басқармасында «Байқоңыр» ғарыш айлағы объектілерін пайдалану шарттарын бақылау бөлімінің бас маманы (Байқоңыр қаласы) лауазымынан бастады, 1998 жылдың қарашасында аталған бөлімнің бастығы болып тағайындалды.

2005 жылы Қазақстан Республикасы Білім және ғылым министрлігінің Аэроғарыш комитеті «Байқоңыр» ғарыш айлағы басқармасының бастығы болып тағайындалды.

2006 жылы Қазақстан Республикасы Білім және ғылым министрлігінің Аэроғарыш комитеті төрағасының орынбасары болып тағайындалды.

2007 жылдан бастап 2014 жылға дейін Қазақстан Республикасының Ұлттық ғарыш агенттігі төрағасының орынбасары лауазымында қызмет атқарды.

2014 жылдың 1 қазанынан бастап Қазақстан Республикасы Инвестициялар және даму министрлігінің Аэроғарыш комитеті төрағасының орынбасары болды.

2016 жылдың 7 қыркүйегінде ҚР Инвестициялар және даму министрлігі Аэроғарыш комитетінің төрағасы лауазымына тағайындалды.

Марапаттары: «Ерен еңбегі үшін» медалі, мерейтойлық медальдар.

Ұқсас сілтемелер:
Пікірлер0

Сіздің пікіріңіздің модерациядан кейін жарияланады