BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
Астана:

Ұлттық банк базалық мөлшерлемені 9,25% деңгейіне дейін төмендетті

Фото: Kapital.kz

16 сәуірде Ұлттық Банк пайыздық мөлшерлемелердің симметриялық дәлізін +/-1% мөлшерінде сақтай отырып, базалық мөлшерлемені 9,25%-ке дейін төмендету туралы шешім қабылдады. Тиісінше, өтімділік беру операциялары бойынша мөлшерлемелер 10,25%, ал өтімділікті алу операциялары бойынша 8,25% болды. Бұл туралы бүгін Алматы қаласында телевизиялық БАҚ-қа арналған брифингте сөйлеген сөзінде Ұлттық Банк Төрағасы Данияр Ақышев айтты, деп хабарлайды Baq.kz ақпарат агенттігі.

Ол ресми қайта қаржыландыру мөлшерлемесі 9,25%-ке дейін төмендетілгенін атап өтті.

«Бұл базалық мөлшерлеменің осы жылы үшінші төмендеуі. Бұл шешім орта мерзімді бағалауға негізделді, онда инфляцияның ағымдағы жылдың соңына дейін және келесі жылы баяулауы, төмендейтін инфляциялық күтулер, сондай-ақ сыртқы нарықтарда тұтастай алғанда жағымды ахуалдың сақталуы болжанды», - деді Данияр Ақышев.

Ол алдыңғы аптада Ресейдің қор және валюта нарықтарындағы құбылмалылыққа қарамастан, сыртқы сектордың орта мерзімді кезеңде іргелі факторларының әсері оң деп бағаланатынын атап өтті.

Базалық мөлшерлеме бойынша кезекті шешім 2018 жылғы 4 маусымда Астана уақытымен сағат 17:00-де жарияланатын болады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер