BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
Астана:

Қазақстандықтар 7% мөлшерлемемен ипотекаға айына қанша теңге төлейді?

25 жыл мерзімге 7% жылдық мөлшерлемемен қолжетімді ипотека рәсімдеу бойынша қазақстандықтар ай сайын баспана үшін қанша теңге төлеуі керек екені есептелді, деп хабарлайды Baq.kz ақпарат агенттігі.

Қазақстанда көлемі 40 шаршы метр бір бөлмелі пәтер орташа есеппен 10,4 млн теңге тұрады. Егер жас отбасы жаңа баспана үшін 8,32 млн теңге несие алса және жылдық сыйақы мөлшерлемесі негізгі қарыздан шегерілетін болса, онда оларға ай сайын 76,3 мың теңге төлеп отыруы керек болады.

Айта кету керек, ең жоғарғы төлемдер Астана, Алматы мен Атырау облысының үлесінде тұр. Мұнда ай сайынғы төлем 100 мың теңгеге жуықтайды. Ал, Жамбыл мен Солтүстік Қазақстан облыстарының тұрғындары төменгі төлемдер жасайтын болады. Мұнда аталған аймақтардағы айсайынғы төлем 40 мың теңгеден аспайды.

Еске сала кетсек, ҚР Парламентінің біріккен отырысында Елбасы Нұрсұлтан Назарбаев қазақстандықтардың пәтерге қолжетімділігін арттыратын «7-20-25» бағдарламасы іске қосылатын мәлімдеген болатын.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер