BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
Астана:

Қазақстан «жасыл экономикасының» жетістігін шетелдік сарапшылар бағалайды

Қазақстанның Экологиялық қызметі нәтижелілігінің Үшінші шолуын әзірлеу бойынша сарапшылар тобы жұмысына кірісті, деп хабарлайды Baq.kz ақпарат агенттігі.

Әр түрлі елдерден, ЭЫДҰ, ДДСҰ, ЮНЕП және БҰҰ ЕЭК-тен келген он төрт сарапшы елімізде 10 күн бойы Қазақстанның «жасыл экономиканы» құру және экологиялық көрсеткіштерді жақсарту бойынша міндеттерін орындауда қол жеткізген прогресіне шолу жасайды.

Миссия барысында сарапшылар тобы мемлекеттік органдардың, халықаралық ұйымдардың, бизнестің, ғылыми ортаның және үкіметтік емес ұйымдардың өкілдерімен кездеседі. Сарапшылар әр түрлі объектілерге барады: жылу электр станциялары, металлургиялық зауыттар және ерекше қорғалатын табиғи аумақтар.

2019 жылдың қаңтарында Экологиялық қызметі нәтижелілігін шолудың нәтижелерін БҰҰ ЕЭК-тің Экологиялық саясат жөніндегі комитеті қарастырады.

Экологиялық қызметі нәтижелілігін шолудың «жасыл» экономиканы дамыту саласында, атап айтқанда энергетика, өнеркәсіп, ауыл шаруашылығы және денсаулық сақтау секторларында Қазақстанның қол жеткізген нәтижелерін бағалауға бағытталған. Онда атмосфералық ауаның ластануын азайту, судың сапасын жақсарту, қалдықтардың түзілу көлемін азайту және ерекше қорғалатын табиғи аумақтарды басқару бойынша Үкіметтің іс-қимылдарына баға беріледі.

Шолу өз уақытында жүргізілуде, себебі қазіргі уақытта елімізде Қазақстан Республикасының «жасыл экономикаға» көшуі жөніндегі тұжырымдаманы (2013 ж.) және Экологиялық кодексті (2007 ж.) қайта қарау бойынша жұмыстар атқарылуда.

Қазақстанның Экологиялық қызметі нәтижелілігін шолудың БҰҰ ЕЭК Қазақстан Республикасы Энергетика министрлігімен ынтымақтастықта өткізуде. Германия, Венгрия, Италия және Португалия, сондай-ақ ЭЫДҰ, ЮНЕП және ДДСҰ сияқты халықаралық ұйымдар өз сарапшыларын осы Шолуға қатысу үшін жіберді.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер