USD 334.89 EUR 361.61 RUB 5.28
Астана:

Асқар Мамин Түрікменстан президентімен кездесті

ҚР Премьер-министрінің бірінші орынбасары Асқар Мамин Ашхабадта өткен халықаралық тұрақты көлік бойынша жаһандық конференцияға қатысты, деп хабарлайды primeminister.kz. Конференция аясында А.Мамин Түрікменстан президенті Гурбангулы Бердімұхамедовпен кездесті.

А. Мамин өңірдің әлем мұхиттары мен халықаралық теңіз жолдарына шығу мүмкіндігі жоқ, экономикалық даму елдері тұрғысынан алғандағы тұрақты көлік тақырыбының маңыздылығын атап өтті.

«Сауда ағындарын заманауи логистикалық инфрақұрылыммен және жеткізудің жылдамдығы мен бағасы жағынан сапалы қызметімен қамтамасыз ету – транзиттік дәліздердің қатысушы елдеріне жаңа нарықтарды игеріп, жүк ағынын тартуға мүмкіндік береді», - деді А.Мамин.

Оның айтуынша, БҰҰ Бас Ассамблеясының 70-сессиясы аясында қабылданған тұрақты даму мақсаттары, соның ішінде тұрақты сипаттағы транзиттік және көлік инфрақұрылымын құру жаһандық дамудың маңызды қарқыны болып табылады.

«Қазақстан өңірдің логистикалық инфрақұрылымын жетілдіруге және дамуына айтарлықтай үлесін қосуда», - деді А.Мамин.

Жаһандық конференцияға қатысу аясында ҚР Премьер-министрінің бірінші орынбасары Түрікменстан президенті Гурбангулы Бердімұхамедовтің қабылдауында болды.

Тараптар Қазақстан Президенті Нұрсұлтан Назарбаевтың екіжақты қазақстандық-түрікмендік қарым-қатынасты дамытудағы, мемлекетаралық байланыстардың барлық салаларында ынтымақтастықты нығайтудағы рөлі мен маңыздылығын баса айтты.

Кездесу барысында маңызды бөлігі Қазақстан-Түрікменстан-Иран жаңа теміржол магистралі болып табылатын «Солтүстік-Оңтүстік» теміржол дәлізін дамыту перспективалары талқыланды. 2014 жылғы желтоқсанда Қазақстан, Түрікменстан және Иран президенттері үш мемлекетті жалғайтын Өзен–Берекет–Горган теміржол магистралін ашты.

Тараптар бұл халықаралық магистральдің өңірдің экономикасын дамытудағы, сондай-ақ екі ел арасындағы өзара тиімді ынтымақтастықтың гүлденуі және оны нығайтудағы маңыздылығын атап өтті.

Бұдан өзге, тараптар газ, трансшекаралық суды пайдалану саласындағы қазақстандық-түрікмендік ынтымақтастықты дамыту мәселелері жөнінде пікір алмасты.

А.Мамин алдағы ЭКСПО-2017 «Болашақ энергиясы» халықаралық көрмесіне қатысатындығы үшін түрікмен тарапына алғыс айтты.

Форум аясында А. Мамин Қытай, Ресей, Түркия, Әзірбайжан, Украина үкіметтерінің мүшелерімен кездесу өткізді.

Ұқсас сілтемелер:
Пікірлер0

Сіздің пікіріңіздің модерациядан кейін жарияланады