BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
Астана:

Өңірде апатты мектептер мәселесі толығымен шешілді – Көшербаев

Фото: ашық дереккөзден

Астана, BAQ.KZ тілшісі. Қызылорда облысының әкімі Қырымбек Көшербаев облыста үш ауысымды мектеп мәселесі толық шешілгенін мәлім етті.

Бүгін өңір басшысы 2018 жылдың 9 айындағы облыстың әлеуметтік-экономикалық дамуы туралы баяндады. Көшербаев өңірде үш ауысымды мектеп мәселесі мерзімінен бұрын шешілгенін, әрі «Балапан» бағдарламасы аясында 3 жастан 6 жасқа дейінгі балалар 100% мектепке дейінгі білім беру мекемелерімен қамтамасыз етілгенін атап өтті.

«Облыста үш ауысымды мектептердің мәселесі толығымен шешілді. Сонымен қатар, өткен жылы апатты жағдайдағы мектеп мәселесіне де нүкте қойдық. Мысалы, 2013 жылы облыста 37 апат алдындағы мектеп болды. Биыл Жаңақорған, Жалағаш аудандарында апатты жағдайдағы тағы 2 мектеп тіркелді. Бұл мәселе бүгінде бақылауда және тиісті шаралар жүргізілуде», - деді облыс әкімі ОКҚ-де өткен брифингте.

Сондай-ақ Қырымбек Көшербаев өңірде құрылыс қарқынды жүріп жатқанын жатқанын атап өтті.

«2013 жылдан бері 200-астам әлеуметтік нысан салынды. Ол – білім беру, денсаулық сақтау және мәдениет пен спорт салалары бойынша. Мысалға, 57 апатты жағдайдағы денсаулық сақтау мекемесінің орнына, 49 жаңасы салынды, қалғаны 2019 жылы тұрғызылады», - өңір басшысы.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер