BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
Астана:

Жыл басынан бері 775 субсидия келісім шарттына қол қойылды

Фото: ашық дереккөзден

Қол қойылған жобалардың жалпы сомасы 89 990 млн теңгені құрады. Бұл жайында «Даму ҚДҚ» АҚ Алматы қаласы филиалы директоры Мереке Сыздықов Алматыда өткен брифинг барысында айтты, деп хабарлайды Baq.kz ақпарат агенттігі.

Оның айтуынша, Қазақстан бойынша 01.01.2018 - 03.09.2018 уақыт аралығында 775 субсидия келісім шарттарына қол қойылды, қол қойылған жобалардың жалпы сомасы 89 990 млн. теңгені құраған. Алматы қаласында 22 субсидия келісіміне қол қойылып, ол 8 311 млн теңгені құраған. Олардың ішінде өндіріс, көлік және қоймалау сияқты салалар жетекші орын алған.

«Мысал келтіретін болсақ, «Даму» қоры Жансая Абдумалик шахмат академиясының жобасын қолдады. Жансай Әбдімәлік - 4 жасынан бастап барлық жастағы балаларға арналған шахматтық кәсіби шеберлік білім беретін академия болып табылады. Студенттерге тәжірибелі жаттықтырушылар, спорт шебері кандидаттарынан 20 жылдан астам уақыт бойы балалармен жұмыс жасаған халықаралық гроссмейстерлер жаттықтырады. «Даму» қоры несиені субсидиялады және несие сомасының 50% -на дейін ішінара кепілдігін қолдады, банктегі кепілге салынған бөлігіне. Несие қаражатына Академия ғимаратты меншікке сатып алды. Сондай-ақ қажетті құрал-жабдықтар алып, жөндеу жұмыстарын жүргізді», - дейді ол.

Жиын барысында "Бизнестің жол картасы-2020" бизнесті қолдау мен дамытудың мемлекеттік бағдарламасы аясында, 01.01.2018ж - 03.09.2018 ж мерзімі аралығында 700 кепілдік келісіміне қол қойылғандығы айтылды. Ол бойынша несиенің жалпы сомасы 27,293 млрд теңгені құраса, кепілдеме сомасы 10,726 млрд теңгені құраған.

Ал, Алматы қаласында 8 ай ішінде жалпы сомасы 3 113 млн теңге болатын 39 жоба қолдау алып, кепілдіктер сомасы 1 293 млн теңгені құраған.

«Камертон» Жеке Шаруашылық Серіктестігі 2005 жылдан бастап ашытылған сүт өнімдерін өндірумен айналысады. Мемлекеттік қолдаудың арқасында кәсіпорын 40 млн теңге сомада банктен несие алды. Даму қоры өз кезегінде банктің алдында 20 млн теңге кепілдік қолдауымен қамтамасыз етті», - дейді М.Өмірбекұлы.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер