BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
Астана:

Қызметкерлері университеттің өзі өсірген картопты пайдаланады

Астанадағы С.Сейфуллин атындағы Қазақ агротехникалық университеті өз қызметкерлерін картоппен қамтамасыз етті, деп хабарлайды Baq.kz ақпарат агенттігі.

"Университет ғалымдары бірнеше жылдан бері баптап тәжірибелік жағдайда өсіріп келген картоптың жаңа сұрпы биылғы жылы ерекше мол өнім беріп отыр. Осыдан 3 жыл бұрын Астана қаласының іргесінен 1150 гектар жер телімін алып, оқу-тәжірибелік кампус ұйымдастырдық. Бүгінде дәнді-дақылдардың жаңа сұрыптары және техника мен технологияларды сынақтан өткізудеміз" - дейді университет ректоры Ақылбек Күрішбаев.

Білім ордасы ғалымдары өсірген мол өнімді жаңа сұрып, университеттің барлық оқытушылары мен ұжым қызметкерлеріне ең төменгі бағамен сатыла бастады. Бір келісін не бары 35 теңгеден сатылып жатқан КазАТУ картобы жағдайы төмен отбасылардан шыққан студенттерге тегін үлестіріледі.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер