Нұр-Сұлтан, BAQ.KZ. Казақстандық блогерлер мен қоғам белсенділері Ұлы Отан соғысының батырларына арналған Qaharman1945.kz порталды іске қосты.
Жоба авторлары әлемдік пандемияға байланысты акцияны офлайн форматта өткізу мүмкін емес екенін ескеріп, соғыс батырларына онлайн форматта ерекше құрмет көрсетуді ұйғарды.
Бұл жай ғана портал емес –бұл екінші дүниежүзілік соғыс батырларына арналған мәңгілік естелік альбомы. Біз сіздермен бірге Бостандық үшін өз өмірлерін қиған, жарқын болашағымыз үшін қан төккен аталарымыздың ерліктерін құрметтеуіміз қажет! – деп жазды жоба авторларының бірі Махаббат Есен әлеуметтік желідегі парақшасында.
Шараға қатысу үшін өтінішіңіз бен батырыңыз жайлы ақпаратты Qaharman1945.kz сайтында қалдыру керек.
Сонымен қатар, жоба Қазақстанның Екінші дүниежүзілік соғыстағы рөлі мен жекелеген қазақстандық батырлардың жетістіктері туралы баяндайды.
Батырлар құрметіне арналған онлайн шеру 9 мамыр күні, сағат 10:00-де жобаның әлеуметтік желілердегі парақшаларында өтеді.
