"Қайрат" футзал клубы чемпиондар лигасында жеңіліп қалды 

Нұр-Сұлтан, BAQ.KZ. Қазақстандық "Қайрат" футзал клубы УЕФА Чемпиондар лигасының жаңа маусымын сәтсіз бастады, деп хабарлады Olympic.kz.

Жаңа маусымда "Қайрат" Ресейдің КПРФ командасымен кездесті. Ойын 0:3 есебімен қарсыластар еншісіне шешілді. Қазақстандықтар қақпасына Сими Салотти, Владимир Разуманов, Январ Асадов гол соқты. Айта кету керек, "Қайрат" келесі ойынды бүгін Эль-Посо командасына қарсы өткізеді.