Атырау облысы Мемлекеттік еңбек инспекциясы басқармасының бөлім басшысы сотталды, деп хабарлайды BAQ.KZ.
Атырау қаласының №2 сотымен облыстық мемлекеттік еңбек инспекциясы басқармасының бөлім басшысы С. Джабасовқа қатысты үкім жарияланды.
Ол кәсіпкердің ақшасын алаяқтық жолмен жымқыруға оқталғаны және өндірісте екі қызметкердің қайтыс болуы фактісі бойынша оған қатысты қылмыстық қудалауды тоқтатуға байланысты лауазымды адамдарға пара беруге итермелегені үшін сотталды. Сот үкімімен оған мемлекеттік қызметте лауазымдарды атқару құқығынан өмір бойына айыра отырып, 4 жылға бас бостандығынан айыру жазасы тағайындалды. Алдын алу шаралары аясында процеске онлайн режимде еңбек инспекциясы басқармасының қызметкерлері қосылды. Үкім заңды күшіне енген жоқ, - делінген Антикор таратқан хабарламада.
Бұған дейін Ақтөбеде Білім бөлімінің басшысы пара алды деп күдікке ілінгені белгілі болды.
