Нұр-Сұлтан, BAQ.KZ. Түркістан облысында мобильді топтар жүргізген арнайы мониторингілеу жұмыстары барысында мамандар 7061 нысанды аралады, деп хабарлады облыс әкімінің баспасөз қызметі.
Нәтижесінде 1386 нысанда карантин талаптары бұзылғаны анықталды. Рейд жұмыстарының нәтижесі бойынша әкімшілік құқық бұзғандардың үстінен хаттама толтырылды. 732 жеке тұлғаға 30 АЕК (75 750 теңге) мөлшерінде және 36 жеке кәсіпкер мен заңды тұлғаларға 230 АЕК (638 940 теңге) көлемінде айыппұл салынды.
Рейд барысында сондай-ақ тыйым салынған отбасылық, мерекелік іс-шаралар анықталып, тоқтатылды.
Жалпы, әкімшілік құқық бұзушылық туралы 769 хаттама толтырылып, 42 322 830 теңге көлемінде айыппұл салынып, оның 26 784 75 теңгесі өндірілді. Мобильді топ жұмыстары жалғасуда.
