Нұр-Сұлтан, BAQ.KZ. Ресейде тұратын этникалық қазақ Дамир Исмагулов UFC-мен жаңа келісімшарт жасасты, деп хабарлайды Prosports.kz.
Бұл туралы спортшының менеджері Саят Әбдірахманов инстаграм парақшасында мәлімдеді.
Ресейлік файтердің UFC-мен жаңа келісімшарты 4 жекпе-жекке есептелген.
Айта кетейік, Исмагулов UFC-дегі дебютін 2018 жылы желтоқсанда өткізді. Содан бері америкалық промоушен туы астында үш жекпе-жек өткізіп, бәрінде жеңіске жетті. Бірақ 2019 жылы Тиаго Мойзеті жеңгеннен бері жарақатына байланысты октагонға шыққан жоқ.
