Нұр-Сұлтан, BAQ.KZ. 17 наурыз күні Қазақстан Республикасы Тәуелсіздігінің 30 жылдығына орай Конфессияаралық және өркениетаралық диалогты дамыту жөніндегі Н. Назарбаев орталығында әлемдік және дәстүрлі діндерге арналған тақырыптық фотокөрмелер топтамасының «Ислам мен адамзат: кеше, бүгін, ертең» алғашқы халықаралық фотокөрмесі ұйымдастырылды.
Фотокөрме мақсаты – әлемнің түрлі ұлттарының мәдениеті мен діндеріне сыйластық қарым-қатынасын және төзімділік дүниетанымын қалыптастыруға ықпалдасу, негізгі адамгершілік және рухани құндылықтар аясында қоғамды біріктіру.
Басқарма төрағасы Болат Сәрсенбаев Австрия, Ирак, Иран, Ливан, Латвия, Мысыр, Пәкістан, Түркия және басқа мемлекеттердің шетелдік дипломатиялық өкілдіктерінің басшыларымен кездесті. Ол кездесу қатысушыларына алғы сөзінде Қазақстан Тәуелсіздіктің алғашқы күндерінен бастап, барлық діндер мен конфессиялар арасында әрекеттестік мәселелері бойынша ашық және сындарлы диалогқа ұмтылып, әлемде төзімділік идеяларын жылжытуға барынша ықпалдасып жатқандығын атап өтті.
Басқарма төрағасының айтуынша, Н. Назарбаев орталығы Ақпарат және қоғамдық даму министрлігі және Сыртқы істер министрлігінің жетекшілігімен ағымдағы жылы XIX Съез Хатшылығы отырысын, сонымен қатар, 2022 жылы өтетін VII Әлемдік және дәстүрлі діндер көшбасшылары съезін өткізу бойынша белсенді ұйымдастыру жұмыстары басталды.
Алдағы Съез Хатшылығы конфессияаралық және өркениетаралық диалогты күшейту бойынша Съездің жаһандық күн тәртібін және басты тақырыптарын анықтауға септігін тигізеді. Мұндай кездесулер бейбітшілік, ниет адалдығын білдіріп, рухани құндылықтарының тереңдігін ашып, ең жоғары адамгершілік қағидаларын – мейірімділік, қайырымдылық және рақымшылдықты – бейнелейді. Біздің мәдениеттеріміз, дәстүрлеріміз, діндеріміз және мемлекеттеріміздің болашақта жақындасуына жаңа мүмкіндіктер ашатындығына, бізге тағы да ортақ рухани және адами құндылықтар туралы еске салатындығына сенімдімін, - деді спикер.
Сақтық шараларын ұстана отырып, кездесу қатысушыларына Қазақстан Республикасы Тәуелсіздігінің 30 жылдығына орай галереяда орналастырылған фотосуреттермен танысу мүмкіндігі ұсынылды. Фотокөрме барлық тілек білдірушілер Бейбітшілік және келісім сарайында 2021 жылдың 17 сәуіріне дейін жалғасады.
