Нұр-Сұлтан, BAQ.KZ. Әлем жұртшылығын дүр сілкіндірген COVID-19 індетінен құтылудың жалғыз жолы – вакцина. Сол себепті де, бүгінгі таңда көпшілік ерікті түрде екпе салдырып жатыр. Сол вакцина салдыруда Ішкі істер саласының қызметкерлері де белсенділік танытуда.
Жамбыл облысы бойынша ҚАЖ департаментіне бағынысты ЖД-158/5 мекемесінің толық құрамы түгелдей вакцина қабылдап үлгергендігі соның бір ғана дәлелі. Мекеме бастығының міндетін атқарушы Тимур Тоғызбаевтың айтуынша, жеке құрам қызметкерлері жаппай короновирус індетіне қарсы вакцина алуды ерікті түрде қолдап, «Спутник-V» екпесін салдыруға өз келісімдерін берген.
Дәрігер алдын ала екпе алушылардың әуелі қан қысымы мен дене қызуын өлшеп, тексеріп барып екпеге рұқсат етті. Екпе салдырғаннан кейін қызметкерлердің жалпы денсаулығы, көңіл-күйі дәрігердің бақылауында болады. Өз басым дәрігерлік тексеруден өткен соң ғана вакцинаның бірінші кезеңін алдым. Қазіргі таңда өзімді жақсы сезініп, жұмысымды қалыпты түрде жалғастырудамын, - дейді Тоғызбаев.Айта кетейік, аталған мекеменің қызметкерлері жалпы ережеге сай, жиырма бір күннен кейін, екпенің екіншісін қабылдайтын болады.
