Ислам Бозбаев дзюдодан Qazaqstan Barysy Grand Slam жарысының қола жүлдегері атанды, деп хабарлайды BAQ.KZ.
Шешуші кездесуде ол отандасымыз Бекарыс Садуақаспен күрескен болатын. Тартысты белдесуде Ислам иппон ұпайымен жеңіске жетіп, қола еншіледі. Ал Бекарыс Садуақас әлемдік додада бесінші орынға тұрақтады. Бүгінгі жарыста, ол төрт кездесу өткізіп, үшеуінде жеңімпаз атанды. Ұлыбританиялық Рис Томсон, бахрейндік Зелимхан Башаев, Алжир спортшысы Мұстафа Боуамарды артта қалдырған ол, тек Гранд Слэмнің екідүркін чемпионы Тома Никифоровқа (Бельгия) есе жіберді.
