Нұр-Сұлтан, BAQ.KZ тілшісі. «Гендерlike» интернет жобасының кезекті шығарылымында әйелдің тұлға болып қалыптасуының маңызы, ер мен әйелдің арасындағы үйлесімдік, ененің көңілін табу, қыз бен ұлдың тәрбиесі, отбасы бақыты сынды тақырыптар талқыланды. Жоба қонақтары – жазушы, аудармашы Камал Әлпейісова мен нумеролог Құралай Бақытқызы.
«ГендерLIKE» жобасы – гендерлік теңсіздік, әйел бақыты, нәзік жандылардың отбасы мен мансапты бірге алып жүруі, салт пен заман қарама-қайшылығы, махаббат төңірегінде тосылмай, өткір мәселелерді талқылайтын еркін алаң. Айтыла бермейтін, шағын және болмашы дүниелер де біздің назарда.
Айта кетейік, жобамыздың осыған дейінгі шығарылымында психологиялық зорлық-зомбылық, балаларға жыныстық тәрбие беру, кішкентай кездегі «травмалар» сынды мәселелер талқыланды. Жоба қонақтары отбасылық психолог Ержан Мырзабаев пен журналист Балнұр Қызырбекқызы болған еді.
