Әдебиеттанушы, фольклоршы, ақын Балтабай Адамбаевтың туғанына – 105 жыл, деп хабарлайды BAQ.KZ.
Филология ғылымының кандидаты Балтабай Әбдірахманұлы өмірінің соңына дейін Қазақ КСР Ғылым академиясының М. Әуезов атындағы Әдебиет және өнер иниститутында ғылыми қызметкер болып істеген.
Қазақ халқының бай ауыз әдебиетін, оның ішінде халық даналығы – шешендік сөздер мен мақал-мәтелдерді зерттеумен шұғылданды. Қаламгер «Қазақ ертегілері», «Шешендік сөздер», «Ел аузынан» жинақтарын құрастырған.
Сондай-ақ «Сырларым», «Ақбебек», «Аманат», «Тұлпардың ізімен» атты өлең жинақтарының авторы.
