Нұр-Сұлтан, BAQ.KZ. Қарағандыда Университетская көшесіндегі су басқан үш үш қабатты үйлерден тұрғындар эвакуацияланды. Қазір қызметтер ауладан суды сорып жатыр.
Бұл туралы Қарағанды облысы әкімдігінің басасөз қызметі хабарлады.
![Ешкім далада қалмайды – Қасымбек](https://www.gov.kz/uploads/2022/4/6/725d959e7f42711781151f5fe4108c12_original.53610.jpg)
Пәтер иелерімен Қарағанды облысының әкімі Жеңіс Қасымбек кездесті. Өңір басшысы ешкімді қиын жағдайда қалдырмайтынына сендірді.
![Ешкім далада қалмайды – Қасымбек](https://www.gov.kz/uploads/2022/4/6/c52035bdf081bff327f36a91427c92e7_original.73684.jpg)
Ешкім далада қалмайды. Тиісті ұйымдар тексеру жүргізеді. Барлық қажетті шаралар қабылданады, – деді Жеңіс Қасымбек.
![Ешкім далада қалмайды – Қасымбек](https://www.gov.kz/uploads/2022/4/6/c47efb54afed4d94d03d963a9eff1970_original.87109.jpg)
Қазіргі уақытта тұйықталу қаупінің алдын алу мақсатында электр қуаты өшірілген. Баспана күзетке алынды.
Үйлерде 36 пәтер бар. Тұрғындардың көпшілігі туыстарына кетті. 23 адам қонақ үйлерге орналастырылды.