Нұр-Сұлтан, BAQ.KZ. Синоптиктердің болжауынша 07 шілдеде еліміздің бірнеше өңірінде найжағай ойнап, бұршақ жаууы ықтимал.
7 шілде күні Ақмола облысының кей жерлерінде найзағай, бұршақ күтіледі, солтүстік-батыстан жел соғады, найзағай кезінде желдің жылдамдығы 15-20 м/с жетеді. Түнде және таңертең кей жерлерде тұман күтіледі.
Ал Қостанай облысының кей жерлерінде найзағай, тұман күтіледі.
Сондай-ақ, 7-9 шілдеде Қызылорда облысының кей жерлерінде найзағай. Солтүстіктен соғатын желдің күші кей жерлерде 15-20 м/с, шаңды дауылмен күтіледі. Күндіз Қызылорда облысының оңтүстігінде 41 градус қатты ыстық күтіледі.
7 шілдеде Ақтөбе облысының кей жерлерінде найзағай болады. Солтүстіктен, солтүстік-шығыстан соққан желдің екпіні 18 м/с күтіледі.
Ақтөбе қаласында да 7 шілдеде найзағай күтіледі.
Дауылды ескертудің ықтималдылығы 85-90 %.
