Нұр-Сұлтан, BAQ.KZ. "Birgemiz: Asyl Mura" жалпыұлттық жобасы аясында Жамбыл облысы, Жуалы ауданы, Бақалы ауылы маңындағы "Жылқышы төбе" археологиялық қазба орнына волонтерлер жұмылдырылды, деп хабарлайды "Жас Ұлан" бірыңғай балалар мен жасөспірімдер ұйымының баспасөз қызметі.
Негізгі мақсат – ғылыми-зерттеу жұмыстарын анықтау, объектіні қалпына келтіру, ашық аспан астындағы археологиялық мұражай ашу және Ұлы Жібек жолының солтүстік тармағы бойында орналасқан үлкен туристік объекті құру.
Сырдария мен Жуалы алқабының орта ағысы, яғни Жамбыл облысының барлық Жуалы ауданы қаңлылардың байырғы иеліктері болды. Мұны 2018 жылы өткен археологиялық қазбалар растайды, нәтижесінде қаңлы мәдениетінің өте қызықты және бірегей нысаны табылған.
Археологиялық жұмыстарға бірінші болып тарих факультетінде оқитын түркістандық студенттер барды. Олар әрі қарай археологиямен айналысу үшін бағыт алып, тәжірибе жинады. Қазір объектіде екінші топ жұмыс істеуде. Жалпы алғанда, нысанға 3 волонтерлік топ барады деп жоспарланған.
Волонтерлердің археологиялық ғылыми-зерттеу жұмыстарына қатысуы өте маңызды, үлкен жұмыс. Қазақстанда 2020 жыл - Волонтер жылы деп жарияланды. «Birgemiz: Asyl Mura» жалпыұлттық жобасы өте маңызды және өзекті жоба. Волонтерлер негізінен жастар, студенттер. Осындай жобалар арқылы жастар қазақ халқының шынайы тарихы туралы біледі. Қазақстандағы қаңлы тарихымен археологтардың өте шектеулі саны айналысады. Біздің экспедиция жастарға б.э.д. 2-ші ғасырдан бастап үлкен уақыт кезеңін зерттеуге түрткі болады, - деді Тараз археологы, өлкетанушы, «Қазгеоархеология» ЖШС ғылыми ұйымының төрағасы Ескендірбек Торбеков.
"Birgemiz: Asyl Mura" жалпыұлттық жобасын "Жас Ұлан" бірыңғай балалар мен жасөспірімдер ұйымы" РҚБ Волонтер жылының аясында жүзеге асырады.
