Парламент Сенатының депутаты Ерік Сұлтанов Солтүстік Қазақстан облысы Ақжар ауданындағы бірқатар әлеуметтік нысанға арнайы барды, деп хабарлайды BAQ.KZ.
Сапар кезінде депутат Ленинград ауылдық округін абаттандыру барысымен, жаңа диірменнің жай-күйімен және Дәуіт-Ленинград автожолының күрделі жөндеу жұмыстарымен танысты. Ерік Сұлтанов аудан тұрғындарымен кездесуде жергілікті халықтың әл-ауқатын жақсартуға бағытталған басымдықтарды атап өтіп, «Көкшетау жолдары» ЖШС-ның жұмысына оң баға берді.
Еліміздің барлық автожолдарын жаңғырту, заманауи, жайлы және сенімді көлік инфрақұрылымын құру – Мемлекет басшысының Қазақстан халқына Жолдауында қойылған маңызды міндеттердің бірі, – деді сенатор Ерік Сұлтанов.
Депутат Уәлиханов ауданының шаруаларымен кездесіп, ауыл тұрғындарын толғандырған мәселелерді талқылап, астық қоймасының, мал шаруашылығы және сүт-тауар фермасының қызметімен танысты.
Кездесу барысында сенатор жерлестеріне Палата қызметінің қорытындылары туралы айтып, өткен сессия барысында қабылданған заңдардың негізгі нормаларына тоқталды.
