Түркия Америка Құрама Штаттары енгізген импорттық салықтың салдарынан қорықпайтындарын мәлімдеді, деп хабарлайды BAQ.KZ тілшісі.
Anadolu агенттігі таратқан ақпаратқа сәйкес, бұл туралы елдің көшбасшысы Режеп Тайып Ердоған мәлімдеді.
Президенттің айтуынша, Түркия жоғары емес тарифтер енгізілген мемлекеттер қатарына қосылған.
Біз бұл кезеңнен өзге елдерге қарағанда оңай өтетінімізге сенемін, - деді Ердоған Анкарада биліктің әділ және даму партиясымен өткен кездесуінде.
АҚШ түрік импортына тарифті 10% мөлшерінде бекіткен. Бұл Америка Құрама Штаттарына Түркиядан әкелетін өнімге қатысты жалғыз салық емес. Бұған дейін Ақ үй түрік елінен экспортталатын металдарға салық салған.
Ердоған америкалық салық енгізген соң басталған сауда соғысы әлемге әсер етеді деп отыр.
Сондай-ақ ол Түркия биліктің экономикалық бағдарламаны іске асыруының арқасында сыртқы әсерлердің ықпалына төтеп бере алатынына сенімді екенін айтты.
Еске салайық, бұған дейін АҚШ пен Қытай арасындағы "сауда соғысына" қатысты жазған болатынбыз.
0
0
0
0
0
