DW басылымының мәліметінше, Еуроодақта Ресейдің бұғатталған активтерін тәркілеу мүмкіндігіне қатысты қызу пікірталас жүріп жатыр, деп хабарлайды BAQ.KZ.
Алайда, көптеген елдер мұны Ресейге қарсы соғыс жариялау деп есептеп, мұндай қадамға баруға дайын емес.
Бұл мәселеде “статус-кво” сақталуда, сондықтан кейбір Еуроодақ елдері активтерді тәркілеуге түбегейлі қарсы.
Дегенмен, Балтық және Солтүстік Еуропа елдері Ресейдің бұғатталған активтерін тәркілеу үшін заңды тетіктерді белсенді түрде іздеп жатыр.
Бұл – жақын арада бұл активтерді босату мүмкін емес деген белгі. Оларды не істеу керектігі жөнінде пікірталас жалғасады, бірақ тәркілеу мәселесінде әлі ортақ шешім жоқ, – деді басылым.
Соңғы мәліметтерге сәйкес, бұғатталған активтерді тәркілеуге ашық қарсы шыққан елдердің бірі – Бельгия.
Активтерді алып қою – бұл соғыс жариялаумен тең. Біз бұл туралы жеңіл-желпі сөйлесеміз, бірақ шынайы өмірде өмір сүріп жатқанымызды ұмытпауымыз керек. Егер сіз 200 миллиард долларды жойсаңыз, оның салдары ауыр болады. Ресейліктер бұған ашуланып, жауап қайтара алады, – деп мәлімдеді Бельгия премьер-министрі Барт Де Вевер.
1
0
0
0
0
