Нұр-Сұлтан, BAQ.KZ. Елордалық полиция қызметкерлері алаяқтық әрекеттер жасағаны үшін бұрын сотталған 22 жасар азаматты тұтқындады. Бұл туралы қалалық полиция хабарлады.
«Істі қарау барысында полиция қаладағы Халыққа қызмет көрсету орталықтарының бірінде ұсталған жалған «көмек қолын созғыш» адамдарға түрлі құжаттарды ресімдеу бойынша қызмет түрлерін ұсынғанын анықтады. Барлығын тез арада аяқтауға уәде беріп, қолма-қол ақша алып, артқы есіктен клиенттерден жасырынып ақша алып жүрген», - деп мәлімдеді құқық қорғау органдарының қызметкерлері.Жас жігіттің алаяқтық әрекеттері туралы шағыммен төрт азамат полицияға жүгінген. Алданғандардың тізімі әлі де толығуы мүмкін.
Тұтқындалған жігіт уақытша ұстау изоляторына қамалды. Тергеу «алаяқтық» бабы бойынша жүргізілуде. Сондай-ақ оның елордада бұрын жасалған осыған ұқсас қылмыстарға қатыстылығы тексерілуде.
Бұл адамның заңсыз әрекеттерінен зардап шеккен азаматтардың Нұр-Сұлтан қалалық полиция департаментіне жүгінуін сұрайды. Мекен-жайы: Бейбітшілік көшесі, 19. 8 (7172) 71-60-24; 71-60-69 байланыс нөміріне немесе"102"-ге хабарлауға болады.
