Елордада триатлоннан қысқы жарыс өтті

26 Ақпан 2023, 19:38
1032
Бөлісу:
Елордада триатлоннан қысқы жарыс өтті
PHOTO
Фото: Астана қаласы спорт басқармасы

Бүгін, яғни 26 ақпан күні елордалық триатлон саябағында қысқы триатлоннан жеке жарыстар өтті. Оларға 18 жастан асқан жандар қатысты, деп хабарлайды BAQ.KZ.

Салтанатты ашылу рәсіміне қалалық дене шынықтыру және спорт басқармасының жоғары жетістіктер спорт бөлімінің басшысы Алуа Ибраева және Астана Триатлон федерациясының президенті Ержан Бижанов қатысты.

Елордада триатлоннан қысқы жарыс өтті

Жарысты ұйымдастырудың басты мақсаты – спорт сүйер қауым арасында триатлон, велоспорт, жеңіл атлетика және шаңғы спортын дамыту, салауатты өмір салтын насихаттау, спортпен шұғылдануға халықты қызықтыру. Әкімдік бұқаралық спортты дамытуға ерекше көңіл бөледі. Бүгін қала тұрғындары мен әуесқой спортшылар триатлон саябағында өтетін қысқы жарыстарға қатысады. Баршаңызға сәттілік, жеңіс тілеймін! - деп атап өтті Алуа Ибраева.

Елордада триатлоннан қысқы жарыс өтті

Іс-шара елорда әкімдігінің, қаланың дене шынықтыру және спорт басқармасының және Астана Триатлон федерациясының қолдауымен өтті.

Елордада триатлоннан қысқы жарыс өтті

Қысқы триатлон үш кезеңнен тұрды: 2,5 шақырымдық жүгіру, веложарыс және шаңғы тебу. Кәсіби спортшылар, әуесқойлар арасынан 150 адам қатысты. Қысқы триатлонға барлығы дерлік қатыса алды. Негізгі шарт – денсаулығы жарамды болуы. Жалпы, маршруттың барлық үш кезеңінен өту үшін спортшыларға шамамен бір сағат қажет болды.

Елордада триатлоннан қысқы жарыс өтті

Қысқы іс-шара қатысушыларының арасында ең үлкен Байзақ Талапнұр ұйымдастырушыларға алғысын білдірді.

Елордада триатлоннан қысқы жарыс өтті

Триатлоннан қысқы жарыс өте жақсы өтіп жатыр. Барлығы жоғары деңгейде ұйымдастырылған. Мен бұл жарысқа жыл сайын қатысамын. Бүгін жүгіруден бастап, шаңғы жарысымен аяқтадым. Өте қуаныштымын. Жастарды спортпен шұғылдануға шақырамын, - деді Байзақ Сағындықұлы.

 

Елордада триатлоннан қысқы жарыс өтті

Қашықтықты белгіленген уақыттан кешіктірмей аяқтаған әрбір қатысушы мәреде естелік медальдармен марапатталды. Сондай-ақ жарыс аяқталғаннан кейін мәреге тіркелген қатысушылар арасында тоңазытқыш, теледидар, планшет, смартфон және смарт сағаты сыңды бағалы сыйлықтар мен ең дәмді пиццаларды дайындайтын Додо мейрамханасы атынан бірнеше сертификаттар ойнатылды.

Елордада триатлоннан қысқы жарыс өтті
Елордада триатлоннан қысқы жарыс өтті
Елордада триатлоннан қысқы жарыс өтті
Елордада триатлоннан қысқы жарыс өтті

 

Елордада триатлоннан қысқы жарыс өтті
Елордада триатлоннан қысқы жарыс өтті
Өзгелердің жаңалығы