Нұр-Сұлтан, BAQ.KZ. Елордадағы Ұлттық академиялық кітапханада «Кітап – Қазақстан мен Түркіменстан арасындағы мәдени ынтымақтастыққа жол» атты халықаралық кітап көрмесі өтті.
Игі шараны Ұлттық академиялық кітапхана Түркіменстанның Қазақстан Республикасындағы елшілігімен бірлесіп ұйымдастырды.
Көрмеде Түрікменстанның Батыры – Арқадаг Гурбангулы Бердімұхамедовтің Түркімен мемлекетінің тарихы мен мәдениеті мен оның заманауи дамуын баяндайтын басылымдары қойылды. Экспозицияда Гурбангулы Бердімұхамедовтың шет тілдеріне аударылған кітаптары да бар. Көрмеде Түркіменстанның жетістіктері туралы, сондай-ақ Түрікмен мемлекетінің бейтараптық мәртебесі аясында жүргізіп жатқан саясаты туралы жазылған кітаптардың басылымдары ерекше орын алды.Көрмеге келушілер түркімен әдебиетінің негізін салушы Мақтымқұлы Фрагидің кітаптарымен бөлек танысты. Ақын 18 ғасырда Ломоносовпен, Вольтермен және Гетемен бір мезгілде өмір сүріп, жұмыс істеді. Мақтымқұлы Фрагидің поэтикалық мұрасы негізінен Отанға, табиғатқа, махаббатқа, халық бірлігіне арналған дивандар – лирикалық шығармалар жинақтарынан тұрады. Оның қолжазбалары дүниежүзілік әдеби мұраның бір бөлігіне айналып, шетелдік депозитарийлерде, атап айтқанда Британ мұражайында, Санкт-Петербург мемлекеттік шығыстану институтында сақтаулы.Көрмеге қатысушылардың назарына Шәбенде, Молланепес сынды түркімен жазушылары мен ақындарының және қазіргі түрікмен авторларының кітаптары ұсынылды. Түрікмен халқының мақтанышы, ұлттық қазынасы – ахалтеке жылқысының тақырыбы бөлек айтылады.
Олар мәдени жылқы тұқымдарының ішіндегі ең көнелері және мінетін жылқылар болып саналады.Ахалтеке жылқысының тұқымы бұдан бес мың жылдай бұрын Ахалтеке оазисі аумағында өсірілді деген пікір бар. Түркіменстанда жыл сайын түрікмен жылқысы күніне арналған мерекелік шаралар өткізілсе, биылғы сәуір айында Түркіменстан бұл мерекені жоғары деңгейде өткізуге қызу дайындық үстінде. Кітаппен безендірілген көрмеде түркімен кілем тоқу өнерінің қолөнер туындылары, ұлттық киімдер, картиналар мен фотосуреттер қойылады.
Құттықтау сөзімен Түркіменстанның Төтенше және Өкілетті Елшісі Режепов Батыр Дурдымұратұлы кітап иллюстрациялы көрменің ашылуы екі дос елдің мәдени ынтымақтастығын одан әрі дамытуға қосылған үлес және алдағы іс-шаралар аясындағы алғашқы шаралардың бірі екенін атап өтті. Л.Н. Гумилев атындағы Еуразия ұлттық университетінің профессорлары Қорғанбеков Болат Сағынбекұлы, Құралай Бейбітәлиқызының түрікмен ақынының шығармашылығы туралы Мақтымқұлы Фрагидің шет тілдеріне аудармасы, поэтикалық, әлемдік әдебиеттегі мұралар мен рөлдері атты баяндамалары тыңдалды.Мақтымқұлының атақты жолдарын түрікмен тілінде оқыған қазақ ақыны, жазушы, драматург, жыршы Баянғали Әлімжановтың өнері есте қаларлықтай болды. Жазушы өз атынан Түркіменстан елшілігіне сыйлық ретінде түркі тілдерінде ұсынылған туындыларын ұсынды.Түрікменстан Елшісі Режепов Батыр Ұлттық академиялық кітапханаға Қасым-Жомарт Тоқаевтың достас республикаға ресми сапарынан бастап Қазақстан мен Түрікменстан президенттерінің портретін сыйға тартты.
