Бұл жөнінде Азия бокс конфедерациясының баспасөз қызметі мәлім етті, деп хабарлайды BAQ.KZ.
Астана қаласында өтуі жоспарланған бокстан жастар мен жасөспірімдер арасындағы 2023 жылғы Азия чемпионаты кейінге қалдырылды, - делінген хабарламада.
Құрлықтық доданы кейінгі шегеру себебі белгісіз.
Азия чемпионаты 14 және 30 шілде аралығында елордада өтуі тиіс болатын. Онда жастар арасында 2005-2006 жылғылар сайысқа түссе, жасөспірімдер арасында 2007-2008 жылғылар жүлдені сарапқа салады.
