Нұр-Сұлтан, BAQ.KZ тілшісі. Бұл туралы Нұр-Сұлтан қаласы мәдениет басқармасы басшысының орынбасары Нұран Қамзин ҚР Президенті жанындағы ОКҚ-да өткен брифингте айтты.
Елордада Наурыз мерекесінде қала тұрғындары концерттер мен қойылымдарға,ұлттық спорт бойынша жарыстарды тамашалай алады. 22 наурызда сағат 11:00-ден 15:00-ге дейін елорданың барлық ауданында «Наурыз Думан» мәдени шаралар ұйымдастырылады. Онда концерттік бағдарлама ұсынылады. Жастар ұлттық спорт бойынша асық ату, тоғыз құмалақ, арқан тарту жарыстарына қатыса алады. Наурыз көже жұртшылыққа таратылады, - деді ол.
Қамзин «Экспо», Мәңгілік ел, «Демалыс променад» алаңдарында мереке ұйымдастырылатынын айтты.
Сондай-ақ сауда орындарында мерекелік сауда шатырлары ұйымдастырылады, - деді Нұр-Сұлтан қаласы мәдениет басқармасы басшысының орынбасары Нұран Қамзин.
