Астанада 15-16 қараша күндері EXPO Халықаралық көрме орталығында жол саласындағы маңызды шара – Kaztraffic көрмесі өтеді, деп хабарлайды BAQ.KZ.
Аталған шара 19 жыл бойы үздіксіз ұйымдастырылып келеді. Kaztraffic-2023 барысында саладағы үздік жетістіктер мен инновациялық әзірлемелер көпшілік назарына ұсынылады. Сондай-ақ жаңа өнімдердің, атап айтқанда жол-құрылыс техникасының, жаңа материалдар мен жабдықтардың тұсаукесері өтеді.
Көрменің экспозициялық аренасында Қазақстан, Ресей Федерациясы, Беларусь, Украина, Германия, Франция, АҚШ кәсіпорындары жол құрылысы, жолдарды жөндеу және күтіп ұстау саласындағы үздік әзірлемелерін ұсынады. Павильондарда ғылыми-техникалық бағыт, IT-индустрия, авиация, аграрлық сектор, өнеркәсіптік өндірістің барлық түрі, өндіруші кешен, құрылыс және тұрғын үй-коммуналдық шаруашылық тақырыптары қамтылады. Көрме аясында бос орындар жәрмеңкесі де ұйымдастырылады деп жоспарланып отыр.
Көрменің ашылу салтанаты 15 қараша сағат 10:00-де өтеді.
