Бұқаралық ақпарат құралдары қызметкерлері күні қарсаңында "AMANAT" партиясы ұйымдастырған дәстүрлі медиа байқаудың жеңімпаздары марапатталды, деп хабарлайды BAQ.KZ.
Биылғы шара елдегі реформалар, еңбек адамдары, жастар саясаты, экология және өңірлік даму сияқты маңызды тақырыптарды қамтыған.
Байқау қорытындысы бойынша El.kz интернет порталының тілшісі Ақмарал Ағзамқызы "Жастар туралы үздік материал" номинациясында жеңімпаз атанды. Әріптесіміз Ақмарал Ағзамқызын жеңісімен шын жүректен құттықтаймыз!
Жалпы, "AMANAT медиа сыйлығы" он аталым бойынша табысталды. Сонымен қатар, Шерхан Мұртаза мен Камал Смайылов атындағы "Телевизия үздігі", "Алаш аманаты" және "Белсенді азаматтық ұстанымы үшін" арнайы сыйлықтары да өз иелерін тапты.
Жеңімпаздарға мүсінше мен ақшалай сыйлықтар табыс етілді.
Еске сала кетейік, BAQ.KZ ақпарат агенттігінің тілшісі Әйгерім Бақпаева "Үздік интернет және радио материалы үшін" номинациясы бойынша "Парламент сөзі" сыйлығын жеңіп алғанын жаздық.
