Нұр-Сұлтан, BAQ.KZ. Еліміздің жеті қаласында үстел теннисі орталықтары салынады, деп хабарлайды Аtameken Business.
Олар Нұр-Сұлтан, Ақтөбе, Шымкент, Павлодар, Өскемен, Алматы және Тараз қалаларында тұрғызылады.
Үстел теннисі федерациясының президенті Данияр Абулгазинның айтуынша, биылғы жылға жоспарланған жұмыстың негізгі басымдықтары: үстел теннисі үшін сапалы жағдайлармен қамтамасыз ету, жастар мен бұқаралық спортты дамыту және жаттықтырушылардың потенциалын күшейту екенін айтты.
Сондай-ақ қазіргі таңда қала мен облыстық әкімдіктер тарапынан аталған жұмысқа үлкен қолдау көрсетіліп жатқанын да тілге тиек етті.
