Эр-Рияд қаласында (Сауд Арабиясы) паратаеквондодан әлемдік Гран-придің финалдық турнирі мәресіне жетті, деп хабарлады BAQ.KZ.
Қазақстандық паратаеквондошы Нұрлан Домбаев – 80 кг салмақта және Нышан Өмірәлі +80 кг салмақта қола медальді жеңіп алды. Спортшылар К-44 классында өнер көрсетті.
Биылғы финалдық Гран-приге әлемнің мықты спортшылары жиналды. Себебі бұл G10 – дәрежесіндегі рейтингтік жарыс. Осындай дәрежедегі жарыста орын алу үлкен жетістік. Қазіргі таңда Нұрлан Домбаев әлемдік рейтингте 1-орында тұрса, Нышан Өмірәлі 6-орыннан 4-орынға көтерілді, - деді Паратаеквондодан бас жаттықтырушы Нұржан Есілбаев.
