Нұр-Сұлтан, BAQ.KZ. ҚР Индустрия және инфрақұрылымдық даму министрлігі көктемнің шуақты мерекесі атап өтті, деп хабарлады министрліктің баспасөз қызметі.
ҚР Индустрия және инфрақұрылымдық даму вице-министрі Еркебұлан Дауылбаев ұжымның қыз-келіншектерін Халықаралық әйелдер күнімен құттықтады.
Сіздерді шуақты да мейірлі, нәзік те әсем мерекемен құттықтаймын. Халқымызда «Әйел бір қолымен бесікті тербетсе, екінші қолымен әлемді тербетеді» деген сөз бар. Расында бүгінгі таңда қоғамның қай саласын алсақ та, ер азаматтармен иық тірестіріп, жемісті еңбек етіп жүрген қыз-келіншектер аз емес. Еліміздің дамуында нәзік жандардың еселі еңбегі мен қажырлы қайратының қарымды үлесі жатыр. Әрқашан гүлдей жайнап, күндей жарқырап жүріңіздер, — деді Еркебұлан Дауылбаев.
Айта кетейік,, бүгінде ҚР Индустрия және инфрақұрылымдық даму министрлігінде 400-ден астам ару жемісті де жігерлі еңбек етіп жүр, олардың қатарында көпбалалы 26 «Батыр ана» бар.