Еліміздің 13 өңірінде дауылды ескерту жарияланды

Еліміздің бірқатар аймағында күн суытады.13 өңірінде күшті жел мен шаңды дауылға байланысты ескерту жарияланды, деп хабарлайды BAQ.KZ.

Қазгидромет болжамынша, ертең Астанада қар жауып, ауа температурасы 7 градусқа дейін төмендейді.

Солтүстік Қазақстан, Қостанай, Павлодар, Ақмола облыстарында жауын жауады.

Атырау мен Маңғыстау аймақтарында дауыл күшейіп, жылдамдығы 15-20 метрге дейін жел тұрады.

Алматыда қар көшкіні қаупі бар, сондықтан құтқарушылар тұрғындарға тауға бармауға кеңес береді.