Нұр-Сұлтан, BAQ.KZ. Қазгидромет РМК ауа райының қолайсыздығына байланысты бірқатар өңірде дауылды ескерту жариялады.
Атап айтқанда, 28 маусымда Қостанай облысының кей жерінде найзағай, шығыстан жел соғады, күші 15-20 м/с күтіледі. Күндіз кей жерінде бұршақ күтіледі.
Шығыс Қазақстан облысында кей жерде найзағай, дауыл күтіледі. Күндіз кей жерде бұршақ. Солтүстік-батыстан cоққан жел солтүстік-шығысқа ауысып кей жерде 15-20 м/с жетеді.
Қызылорда облысының кей жерінде найзағай, дауыл күтіледі. Жел солтүстіктен, солтүстік-шығыстан соғады, күші кей жерде 15-20 м/с күтіледі.
Батыс Қазақстан облысының кей жерінде найзағай, бұршақ, оңтүстік-батыстан соғатын желдің күші 15-20 м/с күтіледі.
Орал қаласында күндіз оңтүстік-батыстан соғатын желдің күші 18 м/с күтіледі.
Атырау облысының кей жерінде оңтүстік-батыстан жел соғады, екпіні 15-20 м/с, қатты ыстық 35-38 градус күтіледі.
