Егер партияларды қаржыландыру айлық есептік көрсеткішке емес, ең төменгі жалақыға байланысты болса, онда бұл сома жыл сайын инфляциямен бірге өседі, деп хабарлайды BAQ.KZ.
Қазақстанның Орталық сайлау комиссиясы саяси партияларды қаржыландыру бойынша есептерді өзгертуді ұсынды.
Саяси партиялардың қызметін қаржыландыруға бөлінетін бюджет қаражатының мөлшері тиісті жылға арналған республикалық бюджет туралы заңда, соңғы сайлаудың қорытындылары бойынша Парламент Мәжілісінде өкілдік ететін саяси партияларға дауыс беру кезінде берілген әрбір сайлаушы дауысы үшін ең аз жалақы мөлшерінің үш пайызын ескере отырып айқындалады, - делінген НҚА сайтында.
Мемлекет басшысының 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауына сәйкес Үкіметке заңнамаға әлеуметтік, медициналық, салық және басқа салаларда,ең төменгі жалақыныесептік көрсеткіш ретінде пайдалануды алып тастауды көздейтін өзгерістер енгізу тапсырылды.
АЕК-ті есептік бірлік ретінде пайдаланған кезде саяси партияларды қаржыландыру көлемі жыл сайын АЕК-тің инфляция деңгейіне жыл сайынғы өсуін ескере отырып өсетін болады.
Егер партияларды қаржыландыру АЕК-ке байланысты болса, онда инфляциямен бірге ең төменгі жалақының өсуін ескере отырып, саяси партияларды қаржыландыру көлемі жыл сайын артады.
Елде ең төменгі жалақы деңгейі (ЕТЖ) үнемі қайта қаралып, өзгеріп отырады.
Мысалы, соңғы жылдары ол бірнеше рет өсті. Мәселен, 2022 жылдан бастап ЕТЖ 60 000 теңгеге дейін ұлғайтылды. 2023 жылдың 1 қаңтарынан бастап ЕТЖ 70 000 теңгеге дейін көтерілді. 2024 жылдың 1 қаңтарынан бастап ол 85 000 теңге болды. Осылайша, ең төменгі жалақы экономикалық жағдайға және Үкіметтің шешімдеріне байланысты жыл сайын дерлік өзгереді.
