Елдің басым бөлігінде күн суытып, -42 градус аяз болады

Нұр-Сұлтан, BAQ.KZ.  «Қазгидромет» РМК алдағы үш күнге, яғни 26-28 желтоқсан күндеріне арналған ауа райы болжамын жариялады.

Арктикалық суық ауа массаларымен Солтүстік Антициклон Қазақстанның солтүстік және шығыс бөлігіндегі ауа температурасының күрт төмендеуін тудырады. 

Термометр бағаны 35-42 градус аязға жетеді. Аяз күшейіп, елдің басым бөлігінде күннің салқындауына әкеледі. Тек республиканың батыс өңірлеріне 27 желтоқсаннан бастап жылу мен ылғалдың үлкен қорымен Атлантикалық циклон ауыса бастайды. 

Ол жауын-шашын, кей жерде қатты (көбінесе қар), желдің күшеюі мен жаяу бұрқасын және ауа температурасының - күндізгі уақытта 0-5 градус аязға дейін, кей жерде 0-5 жылыға дейін қысқа мерзімді көтерілуін әкеледі. Сондай-ақ республика бойынша кей жерде тұман, батыста және оңтүстікте көктайғақ болады.