Елбасы Қырғыз Республикасының президентімен кездесті
<h4>Нұр-Сұлтан, BAQ.KZ. Елбасы Қырғыз Республикасының президенті Сооронбай Жээнбековпен кездесті. Бұл туралы elbasy.kz сайты жазды. </h4>
15 Қазан 2019 2019, 09:18
1779
Нұр-Сұлтан, BAQ.KZ. Елбасы Қырғыз Республикасының президенті Сооронбай Жээнбековпен кездесті. Бұл туралы elbasy.kz сайты жазды.
Кездесу барысында Нұрсұлтан Назарбаев түркі интеграциясын одан әрі тереңдетудің ерекше маңыздылығын атап өтті.
"Қазақстан түркі әлемінің барлық елдерімен серіктес. Мен Кеңестің көптеген институттарын құруға бастамашы болдым. Ең маңыздысы – елдеріміз арасындағы бейбітшілік пен келісімді қамтамасыз ету", – деді Елбасы.
Өз кезегінде Сооронбай Жээнбеков Қазақстанның Тұңғыш президентінің түркі елдері арасындағы ынтымақтастықты нығайтуға қосқан үлесін атап өтіп, Елбасының Түркі тілдес мемлекеттердің ынтымақтастығы кеңесінің құрметті төрағасы мәртебесіне ие болуымен құттықтады.
