Нұр-Сұлтан, BAQ.KZ тілшісі. Бұл туралы ІІМ Есірткі қылмысына қарсы іс-қимыл департаментінің басқарма бастығы Бақытжан Әмірханов Ішкі істер министрлігінің дәстүрлі брифингінде белгілі болды.
2019 жылдан бері заңнамаға түзетулер қабылданғаннан бері ішкі істер органдары 182 келі «синтетика» тәркілеп, 35 есірткі зертханасын таратқан.
Барлық жағдайда химиялық прекурсорлар, реагенттер және зертханалық жабдықтарды Қазақстанға көршілес елдерден логистикалық компаниялар пошта жөнелтілімдері арқылы әкелді. Сондықтан Ішкі істер министрлігі күдікті жүктерді анықтап, көлік-логистикалық компаниялармен тығыз байланыста жұмыс істейді, - деді Әмірханов.
Оның айтуынша, өткен айда елордада Family Village саяжай қалашығындағы үйлердің бірінде есірткі өндіруді жолға қойып, оларды қалада көтерме саудамен айналысқан жергілікті тұрғындар ұсталды.
Оның барысында 1200 «Экстази» таблеткасы, 2 кг Альфа-ПВП және 140 литр прекурсор тәркіленді. Екі айда ішкі істер органдары 378 есірткі қылмысын анықтады,оның ішінде 248 сату фактісі, 85 аса ірі көлемде сақтау. 7 дәріхана зертханасы жойылды. Биылғы қаңтар-ақпан айларында есірткі полицейлері 422 келі есірткі, оның ішінде 196 келі гашиш, 213 келі марихуана және 6 келіден астам синтетикалық есірткіні тәркіледі. Ал осы күнге дейін алатын болсақ, біз 40 келіге жуық синтетикалық затты алдық, - деді Бақытжан Әмірханов.
