Рас-Сидр қаласының маңында автобус апатқа ұшырап, шамамен 41 адам әртүрлі дәрежеде дене жарақатын алды, деп хабарлайды BAQ.KZ.
10 қарашада бұл туралы Cairo24 басылымы хабарлады.
Келтірілген дерекке сәйкес, 31 адам Ресей мен Украина туристері. Сондай-ақ, басылымның мәліметінше, жарақат алғандар арасында қазақстандық үш турист бар
Әркімнің денсаулық жағдайы туралы нақты ақпарат әлі жоқ.
Автобус жүріп келе жатқанда аударылған. Себебі әлі белгісіз.
Зардап шеккендердің барлығы ауруханаға жатқызылды. Оқиғаның мән-жайы анықталуда, - делінген ақпаратта.
