Қытайдың сыртқы істер министрі Ван И АҚШ-тың “бәрінен бұрын Америка” саясатына байланысты халықаралық тұрақсыздық туындауы мүмкін екенін айтты, деп хабарлайды BAQ.KZ TRT-ге сілтеме жасап.
Ол АҚШ президенті Дональд Трамптың Қытай тауарларына 20%-дық салық енгізуін сынға алды және Бейжің мұндай қысымға төтеп беруге дайын екенін мәлімдеді.
Ешбір мемлекет Қытайды басып-жаншып, сонымен бірге онымен жақсы қарым-қатынас сақтай аламын деп ойламауы керек, – деді Ван И Пекинде өткен жыл сайынғы парламенттік жиналыста.
Қытай дипломатының айтуынша, ірі елдер өздерінің халықаралық міндеттемелерін орындауы тиіс, ал мемлекеттер бір-бірін қорқытудан аулақ болуы керек.
Егер әрбір ел тек өз мүддесін ғана ойлап, халықаралық тәртіпті ескермесе, онда әлемде “джунгли заңы” қайта орнайды. Бұл әсіресе шағын елдерге зиян келтіреді, – деді Ван И.
Бұл мәлімдеме Трамп әкімшілігінің Қытай импортына тарифтерді 20%-ға дейін арттырғанынан бірнеше күн өткен соң жасалды. Ван И бұл тарифтерді “еріксіз және негізсіз” деп атады.
Қытайдың кедендік қызметінің мәліметтері бойынша, Қытай экспорты 2024 жылдың қаңтар-ақпан айларында өткен жылмен салыстырғанда 2,3%-ға ғана өскен. Бұл күтілгеннен әлдеқайда төмен, ал Қытайдың 5%-дық ЖІӨ өсіміне қол жеткізуі қиын болуы мүмкін.
Қытай Сыртқы істер министрлігі АҚШ-қа қарсы қатаң мәлімдемелер жасап, “Қытай тарифтік соғыста, сауда соғысында немесе кез келген басқа соғыста соңына дейін күресетінін” ескертті.
