"Дубай шоколады" әуесқойларына оны тұтынудың қаупі туралы ескерту жасалды, деп хабарлайды BAQ.KZ тілшісі Daily Mail-ге сілтеме жасап.
Вирустық "дубай шоколады" әлем бойынша қарқынды түрде танымал болып жатыр, бірақ онымен қатар нарықта қауіпті жалған нұсқалар да пайда болуда. Жаңа зерттеу кейбір көшірмелердің денсаулыққа қауіп төндіруі мүмкін екенін көрсетті.
Әңгіме фисташкалар мен шытырман кадаиф вермишелі қосылған шоколад батончыгі туралы. Бұл тәттіні Дубайда тұратын британиялық-египеттік кондитер Сара Хамуда ойлап тапқан. Соңғы бір жылда ол нағыз интернет-хитке айналды. Осы десерттен шабыт алған көптеген өндірушілер өз нұсқаларын шығара бастады, бірақ олардың барлығы бірдей қауіпсіз емес болып шықты.
Штутгарттағы Мемлекеттік химиялық-ветеринарлық басқарманың мамандары БАӘ мен Түркиядан жеткізілген "дубай шоколадының" сегіз үлгісін зерттеді. Оның алтауында пальма майын өңдеу кезінде пайда болатын 3-MCPD атты қауіпті заттың мөлшері жоғары екені анықталды. Бұл зат ықтимал канцероген ретінде қарастырылады.
Сонымен қатар, кейбір үлгілерден плесень саңырауқұлақтары бөлетін уыттар – афлатоксиндер мен тағы бір күдікті канцероген – глицидол табылған. Бұл заттарды дәмінен не иісінен анықтау мүмкін емес, олар өнімде ұзақ уақыт бойы байқалмай қалуы ықтимал.
Тағы бір заңбұзушылық – өнім құрамында: кейбір өндірушілер шынайы какао майының орнына арзан күнбағыс немесе пальма майын қолданған. Ал ішіндегі жасыл түсті фисташка салмасы шын мәнінде тағамдық бояғыштармен жасалған.
Ұлыбританияның Азық-түлік стандарттары агенттігі тұтынушыларға мұндай жалған өнімдер кейде заңсыз сатылуы мүмкін екенін ескертті. Егер олардың құрамында аллергендер немесе тыйым салынған қоспалар көрсетілмесе, бұл денсаулыққа елеулі қауіп төндіруі мүмкін.
Неміс сарапшылары зерттеуді жалғастырып жатыр: олар "дубай шоколадының" басқа елдерде өндірілген нұсқаларын да зерттемек, шын мәнінде қайсысы қауіпсіз екенін анықтау үшін.
0
0
0
0
0
