Нұр-Сұлтан, BAQ.KZ тілшісі. Бұл туралы ҚР Денсаулық сақтау министрлігінің ресми өкілі Бағдат Қожахметов ҚР Президенті жанындағы Орталық коммуникациялар қызметі алаңында өткен онлайн брифинг барысында мәлімдеді.
Бұл қадам Бас санитарлық дәрігердің мәртебесін көтеру мақсатында жасалғанын атап өткен жөн. Өздеріңіз білесіздер, енді Бас санитарлық дәрігер вице-министр лауазымын да қоса атқарады. Осы шаралар бұл салаға ерекше назар аударуға және Қазақстанда санитарлар мен эпидемиологтардың жұмысын жақсартуға ықпал етеді, - деді ол.
Айта кетейік, ҚР Үкіметінің қаулысымен ҚР Денсаулық сақтау вице-министрі – ҚР Бас мемлекеттік санитарлық дәрігері лауазымына Ерлан Қиясов тағайындалған болатын.
